其實呢個就係最低工資其中一個問題，就係框死左「職位」。
以前我細個屋企窮，單親家庭住公屋邊可能請工人？但又要搵人睇小朋友，點算？咪就係俾幾百蚊叫隔黎陳師奶睇仔，煮埋飯俾小朋友食。所以以前你冇見到公屋有咁多外傭出現，因為社會容許自由市場，共享經濟。一個師奶湊幾家小朋友，佢又可以湊自己個仔，又可以收錢湊埋人地d仔，winwin。
面家你清潔又要最低工資，湊仔又要最低工資。咪俾左機會外傭市場發展。我自己係完全接受唔到屋企有個唔識既人住係度，所以我一定請鐘點。但有好多人唔介意，呢條數就係，你要包佢食包佢住，其實個成本都唔細，我地有冇d方法可以將就業機會俾得返我地本地人？有幾多十八般武藝既師奶本身係要湊仔，又想賺返多少去幫補屋企？
呢一切就俾最低工資框住左了…而外傭呢套玩法則不在傳統最低工資法例入面。
Search